“ Тыуған яғым – Башҡортостан” исемле интеллектуаль олимпиада

14 декабрь – Башҡорт теле көнө.
Был байрам уңайы менән “Уралҡай” балалар баҡсаһында ҡыҙыҡлы,фәһемле саралар уҙғарыла.
Бөгөн “ Тыуған яғым – Башҡортостан” исемле интеллектуаль олимпиада үтте.
Олимпиаданың маҡсаты: Балаларҙа гражданлыҡ һәм патриотизм тойғоларын үҫтереү һәм уларҙа илебеҙгә,телебеҙгә һөйөү тәрбиәләү.
Тәрбиәләнеүселәргә Башҡортоостаныбыҙҙың тәбиғәте, унда йәшәүсе төрлө халыҡтар, башҡорт халҡының йолалары , мәҙәниәте, ғөрөф - ғәҙәттәре, әкиәттәре, көн – күреше, Башҡортостан дәүләт символдары, арҙаҡлы кешеләре тураһында һорауҙар бирелде.
Ярыш бик сәмле барҙы. Еңеүселәр билдәләнде.
1 – се урын – “Алмаҡай” төркөмө (тәрбиәсеһе Ихсанова Р.К.)
2 – се урын – “Миләшкәй” төркөмө (тәрбиәселәре Мырҙабаева Л.М., Байморатова Я.М.)
Был бәйгелә “Алмаҡай” төркөмө тәрбиәләнеүселәре Хәмитов Искәндәр,Әҙелгужин Иҙел,Ныяҙғолова Мәҙинә “Миләшкәй” төркөмө тәрбиәләнеүселәре Мусурғәлеев Алмаз, Баймырҙин Рамазан, Лоҡманов Кәрим,Назарова Елизавета һорауҙарға яуаптарҙы төплө белеүҙәре менән айырылып торҙо.Еңеүселәрҙе ҡотлайбыҙ, илебеҙҙең илһөйәрҙәре һәм телһөйәрҙәре булып үҫеүҙәрен теләйбеҙ.